❮ Terug

Èèm’n der tuss’nuut


Vol goeie moed rèis ie of . Netuurlijk met die ôôle vertrouwde Oad, of wat er nog van oaver is. Ie stapt in ne busse, diet vuur een dag of tiene oen dagelijkse vervoermiddel is. Ie maakt kennis met nieje mèèns’n. Mèèns’n met hèèle ààndere achtergrôônd’n as dàj zelf hebt. Ruslààndkenners, diet er net zô ofgetraind uutzeet as Poetin zelf. Ie loat oen eeg’n wereldje achter. Twei daage later stoaj’ op grôôte heugte te kiek’n in Ôôst’nriek. Het zut er machtig môôi uut. De zörg’n gliedt van oe of, mà toch, via het mederne internet bliej’ toch nog wal op de hèugte van wat er in de wereld gebuurt. In één kèèr betrek de lôch. Dôônderslaag’n en bliksem. Onmeunig völle water kump ter in kort’n tied noar beneed’n. Ie markt neet wat er in die grôôte bult’n um oen hen gebuurt. Ie zeukt ’t berre op. Een ôôld vreuiwke worsselt zich noar boam’n hen. Zie had better de lifte könn’n pakk’n. ’N ààndern männ’n, lekker hôôge de barg’n in. Det hàj’ e dach. De weg noar boam’n is of e slöt’n duur modderlawines en ofgeknapte bèume. Gen nôôd, het programma wördt um egôôid en zo riè we langs de blauwe Inn, den broen kluurt duur al det modderwater uut de barg’n. Wiej hebt het optrekje van Maxima ezeene, met ne hôôp duure auto’s. De dag vlug vuurbiej. De temperatuur löp hôôge op en ’s oamds gung ’t er wier van. Met Italie op ’t programma is de verrassing vuur de tweede moal grôôt. De enige weg der noar touw is, duur het zwoare weer, of e slött’n en zô zit e wiej onverwachts in de trein van de Bernina Expres. Gelukkig trökk’n de zwoare buj’n weg en kônne wiej toch nog het hèèle programma ofwark’n. Op noar grôôte hèugte- en deeptepunt’n. Rutte stopt er met en ôk ne hèèle serie ààndere politieke figuur’n gôôit de biele der biej neer. Ôônz’n ôôld börgemèister Hofland begint juust wier en geet woarnemm’n in Roalte. Gefilstèèrt. Ôônze rèize vlug vuurbiej. Van boam’n de 3100 meter kiek ie Italië in. Van ôônder de grôônd zeej’ het greui’n van wortels en èèm’n later stoaj’ in ne tropisch’n tuin met 36 groad’n. Ie bint bliej dàj’ de verkoelende busse in könt. Lekker, ’s oamds een kaartje legg’n en de politiek duurnemm’n met ne boer den ôk plat pröt. Ie leert de lèu kenn’n. Det ôôle vreuiwke is net zo jôônk as dàj’ zelf bint en den Ruslààndkenner, blik toch minder fit as det e zich vuur dut. Tien daag’n vleegt vuurbiej en met een lifeverslag van de tour de France stoaj’ in één kèèr wier in Holllàànd.

Maart 2024
MA DI WO DO VR ZA ZO

1

1

2

2

3

3

4

4

5

5

6

6

7

7

8

8

9

9

10

10

11

11

12

12

13

13

14

14

15

15

16

16

17

17

18

18

19

19

20

20

21

21

22

22

23

23

24

24

25

25

26

26

27

27

28

28

29

29

30

30

31

31

Vorige

Volgende