Categorieën

Woenneer mag e wiej wier zing’n?

De terrass’n bint lös. De ciefers zakt nog neet, mà wiej wilt lèèm’n in de keet. De tekst op dit versje is al emaakt in januari vuurig joar, ôk de Nederlààndse versie steet kloar. Corona gôôi’n roet in ’t ett’n, mà noe mag het wier. Dus àmoa noar ’n Beelt, pakt een terrasje en loat het à vaste op oe in wark’n. Loaw we hopp’n det wiej het dit joar nog op ’n Beelt könt loat’n heur’n.

 

Ôôns Darp Hoolt’n.

 

Nen môôie foto, in zwart wit.

De karke, met doarvuur de Smid.

De ôôle Nölle, die ‘k nog ken.

Een èineke veerder Holterman.

Ik leupe der van kinds of an.

’T Is doar woer ik geboren ben.

Det darp, ik wèèt nog hoe het was.

Met dartig kinder in de klas.

De boeren mölk’n nog in ‘t brook.

De Jödd’nkarke, grof geweeld.

De waterpôômpe op Smidsbeelt.

Het was as in een sprookjesbo-ok

 

Refrein:

 

En biej het zààndpad van mien opa

Zag ik de ôôle piepe stoan.

Ik had er toen nog gen benul van

Dat det vuurgood vuurbiej zôl goan

 

Alles was nog zô gewoon

Ie zôll’n toch zeggen, niks an doon.

Woerumme, doar neet vuur ekèuzen?

Wat is ter toch verkèèrd egoan

Gen huuske hebt ze loaten stoan

Noe wont ze in betonnen dèuzen

Wat ze woll’n hebbn det hebt ze ekoch

Nog altied was det neet genog.

Vakàànties, vleegen oaver veer.

Goat toch terugge in de tied.

Ààns raake wiej de wereld kwiet.

Beste lèu, ‘t kan zô neet meer

 

Refrein

 

En biej het zààndpad van mien opa

Zag ik de ôôle piepe stoan.

Ik had er toen gen benul van

Dat det vuurgood vuurbiej zôl goan

 

Jonge leu vindt ’t hèèl gewoon

Stom loeren op ne telefoon

Zie swingt wat met. met de muziek

Natuurlijk, ’t is de nieje tied

Ik wil det ôôle nog neet kwiet

Het dut miej zeer a’k ter noar kiek

Ik zag hun oolders nog wier stoan

Biej de karmse op de foto. goan

En vuur ’t gemeentehuus stoan zingen.

Mien ôôle darp, het is neet meer.

Det dut nog alle daage zeer.

Allèène mà herinneringen.

 

Toen ik langs die ôôle Sikkenstroate

De boerenhuuskes wier zag stoan

Ik was een kind en kon neet wèten

Det het allemoal vuurbiej zôl goan.

 

Mans van Sangel.